Eitt hugnaligt kvøld við góðum mati, tónleiki og hugna.

Í sumarhálvuni verður áhugavert Mentanarkvøld á Gjáargarði hvørt mikukvøld í juni, juli og august.

Metanarkvøldini verða hesi mikukvøld í 2025:

4., 11., 18. og 25. juni

2., 9., 16., 23. og 30. juli

6., 13., 20. og 27. august

Kvøldið byrjar kl. 18, tá verturin bjóða gestunum vælkomnum við einum stórum sjálvtøkuborði við einum úrvali av góðum rættum og føroyskum brellbitum.

Eftir borðhaldið verður livandi tónleikur, sum er partur av stóru skránni hjá Summartónum við ymiskum tónleikabólkum hvørt af kvøldunum.

Eftir tónleikin fáa vit og útlendingar kunning um føroyskan dans og gomul kvæði.

Gestirnir fáa møguleikan at læra stev, eins og vit sláa ring og kvøða nøkur vælkend kvæði.

Kvøldsetan byrjar kl. 18:00 og endar umleið kl. 20:30.

Prísur : kr. 700 fyri hvønn. Børn 4-12 ár gjalda kr. 325 og børn yngri rinda onki.