Ger tína egnu tónleika- ella sjamanistisku ringlu við Inger Johanne Syverud.

Á hesum skeiði fært tú møguleikan at skapa tína egnu ringlu úr húð, leðri, træ og sand/grús.
Metal-ringlur úr víkingatíð eru funnar, og tað er ikki vist, um tær vóru nýttar sum ljóðføri, í ritualum ella sum festi til hestavognar. Tað er heilt upp til tín, hvussu tú vilt brúka tína ringlu.
Á sama hátt sum trumman, kann ringlan verða nýtt sum eitt sjamaniskt amboð. Ringlan hevur eisini tann fyrimun, at hon er lítil og løtt at hava við sær, og riggar sera væl á strond- og náttúrugongu, ella undir dansi.
Dagsins skrá:
• Fyrst forma og seyma vit ringluna. Tú fært møguleika at lita hana við plantum og urtum, sum tær lystir.
• Meðan ringlan tornar, fyrireika vit skaftið, og tosa um ymiskar hættir, ið ringlan kann nýtast – mest sum rituelt amboð.
• Tá ringlan er tornað, verður hon samlað.
Tak tínar egnu lutir við, sosum horn, bein, pinnar, fjaðrar, perlur ella annað tilfar, sum tú ynskir at prýða tína ringlu við
Inger Johanne er góðkendur náttúruterapeutur (økoterapi) frá Human Education Group, og hevur yvir 25 ára royndir við náttúruandaligheit við denti í teimum norðurlendsku siðvenjunum. Hon sær náttúruna sum sítt heim, myndbering fyri sína støðu og, ikki minst, sínar røtur. Hon hevur sera góðar royndir í at gera trummur og ringlur. Hon veit eisini eina rúgvu um rúnir. Har afturat er hon smiður og er við á Festívalhöll sum eldsmiður.
Málið er norskt (danskt/enskt eftir tørvi) og varar í 5 tímar.
Skeiðið fer fram á Virkinum á Sandi. Í prísinum er atgongd til amboð undir skeiðnum, tilfar, eins og víkingaábit og drekkamunnur. Sum nevnt, tekur mann sjálv/ur lutir við til at pynta ringluna.
Um ringlan ikki er liðug upp á ein dag, er tað gjørligt at gera hana lidna 3. juli kl 10-13.