Lær teg aldargamlan sið at viðgera og spinna frálíku føroysku ullina.

Víkingar vóru sera kønir í at gera plagg og hvør tráður varð gjørdur til heilt serstøku uppgávuna, um talan var um til dømis klæðir ella segl.
Vit arbeiða við føroyskari ull, og tú lærir at kemba og deila ullina í ymsar fibur tjúktir, sum eru hóskaðar til ymsu sløgini av plaggi. Tú lærur at spinna á handsnældu og gera títt egna tógv.
Undirvísarar á skeiðnum eru Turid Olsen og Durita Dahl Djurhuus, sum hava fingist nógv við at spinna føroyska ull.
Málið er føroyskt (danskt/enskt eftir tørvi) og varar í 5 tímar. Ávmarkað pláss.
Skeiðið verður hildið á Virkinum á Sandi. Við í prísinum er tilfar og atgongd til amboð, ið verða nýtt á skeiðinum. Um tú hevur tína egnu snældu, er tú vælkomin at taka hana við og venja teg við henni. Vit bjóða drekka og onkran munnbita.