Gøtu kirkju ungdómskór og Silvitni framføra vøkur, stuttlig og vill verk

Gøtu kirkju ungdómskór og Silvitni taka lut í evropeisku kórleikunum í Aarhus í summar, og áðrenn tey fara av landinum, vilja tey bjóða tykkum at hoyra úrslitið av hørðu venjingunum í vár.

Í vøkru Gøtu kirkju kunnu tit njóta eina breiða viftu av kórtónleiki: vakran kirkjutónleik á latíni og italienskum, spirituals, fólkatónleik úr fjarskotnum londum og væl kendan føroyskan popp í kórhami.

Væntið gásahold, látur og kanska enntá eitt tár.