Hugnaligur tógvhandil í gomlum hoyggjhúsi í Norðragøtu

Eygastova er ein hugnaligur tógvhandil í Norðragøtu, sum heldur til í einum gomlum hoyggjhúsi frá umleið 1942. Húsið varð sett í stand veturin 2022–2023, og í februar 2023 lat Eygastova upp við einum stórum úrvali av serligum tógvi, sum fyri ein stóran part ikki fæst aðrastaðni í Føroyum.

Her kanst tú hyggja eftir tógvi og binditilhoyri, seta teg við bindingini og njóta ein kaffimunn og eitt gott prát í hugnaligu stovuni.

Smærri bólkar og bindiklubbar kunnu eisini leiga hølið til hugna og samveru eftir avtalu.