Vakri og friðsæli sandurin í Leynum, millum grønar líðir og brøtt berg

Niðri á Sand í Leynum er vakurt og friðsælt. Heitar summardagar savnast nógv fólk her, men tá ið fá eru á sandinum, er serliga hugnaligt at ganga ein túr og njóta friðin.

Tá ið fjøra er, verður sandurin breiður, og til ber at ganga langt út eftir grunna vatninum. Grønu líðirnar og brøttu bergini kring víkina gera umhvørvið serliga vakurt, og beint omanfyri liggur gamla bygdin í Leynum.

Kom oman á sand, far ein túr fram við sjónum ella set teg eina løtu og njót friðin og útsýnið.