​Einaferð rungaðu sangir um vón, frælsi og rættvísi úr bandupptakarum og útvarpstólum kring alt landið. Bandið “Amnesty Tónar” spældi javnt og samt í ring
Í ár eru 35 ár síðan “Amnesty Tónar” kom út. Hesa tíðina, tá ófriðurin og stríðini í heiminum koma okkum alsamt nærri, hava vit kanska meira enn nakrantíð tørv á at savnast um frælsi, frið og góðan tónleik. 
Kom við á fagnaðarkonsert leygarkvøldið 14 novembur á Reinsarínum, har sangirnir aftur fáa nýtt lív. Flest øll, sum upprunaliga sungu á útgávuni, verða við, og nýtulkingar vera eisini av nøkrum løgum.

Vit gleða okkum aftur at hoyra “Amnesty Tónar” runga saman við tykkum!